Seanca gjyqësore për rastin e Liridona Ademajt, ani pse ka nisur qysh në ora 09:30 të mëngjesit, është shtyrë për në mesditë.
Shtyrja e seancës ka ndodhur për shkak të pengesave teknike.
“Për shkak te pengesave teknike, seanca e paradites ndërpritet dhe i njëjti do të vazhdojë në 13:10 minuta”, ka thënë gjyqtarja, Fatime Dërmaku.
Të pranishëm në gjykatore kanë qenë të akuzuarit, Naim Murseli, Kushtrim Kokalla e Granit Plava, derisa në cilësinë e dëshmitarit, ka munguar babai i Naimit, Shaban Murseli, megjithatë është aprovuar leximi i deklaratës së tij, e dhënë më 6 dhjetor 2023 në Polici të Kosovës.
