Më 9 maj, dizajneri i njohur Festim Isufi, u gjet i vdekur në banesën e tij në rrugën B, në Prishtinë.
Kjo ngjarje e rëndë tronditi Kosovën.
Lidhur me rastin, detaje shtesë ka dhënë Prokuroria Themelore e Prishtinës.
Zëdhënësja Kaltrina Shala, deklaroi se e kanë pranuar raportin e autosisë.
Ajo theksoi se gruaja e tashmë të ndjerit Rina Maloku, nuk është e dyshuar.
“Lidhur me pyetjen tuaj ju njoftojmë, se Prokuroria Themelore në Prishtinë, ka pranuar raportin e autopsisë dhe ka intervistuar disa persona. Nga të dhënat e deritanishme rezulton se nuk ekzistojnë dyshime të bazuara lidhur me këtë rast. R.M, nuk është e dyshuar dhe ndaj saj nuk është nxjerrë aktvendim për fillimin e hetimeve”, deklaroi Shala.
“Megjithatë, prokuroria është ende në pritje të disa provave shtesë, të cilat ndihmojnë në zbardhjen e plotë të çështjes”, theksoi ajo.
