Noa Lang drejt Galatasaray – Demantim | Mohojmë gënjeshtrat, shpërbëjmë mashtrimet dhe sqarojmë të vërtetat.

Noa Lang është shumë pranë një aventure të re në Turqi.

Sipas Gianluca Di Marzio, Galatasaray ka arritur marrëveshje me Napolin për huazimin e anësorit holandez, duke i dhënë fund qëndrimit të tij në Serie A pas vetëm një sezoni.

Negociatat mes palëve kanë avancuar ndjeshëm gjatë orëve të fundit dhe marrëveshja parashikon një huazim, me detaje të tjera kontraktuale që po finalizohen.

Galatasaray ka qenë prej kohësh në kërkim të një lojtari ofensiv me shpejtësi dhe fantazi, ndërsa profili i Lang është vlerësuar si ideal nga drejtuesit dhe stafi teknik i klubit turk.

Nga ana e Napolit, largimi i përkohshëm i 25-vjeçarit shihet si një zgjidhje e përshtatshme, pasi lojtari nuk ka pasur vazhdimësi dhe hapësirat në repartin ofensiv janë bërë gjithnjë e më të kufizuara.

Klubi kampion i Italisë synon të lehtësojë organikën dhe të krijojë hapësirë për lëvizje të reja në merkato.

Nëse nuk do të ketë surpriza, Noa Lang pritet të udhëtojë së shpejti drejt Stambollit për vizitat mjekësore dhe firmën zyrtare, duke u vënë menjëherë në dispozicion të Galatasaray për pjesën e mbetur të sezonit.

Latest from Blog

“Kush kënd e tradhtoi, do jetë pyetja e fushatës”, Latifi: A do jetë Osmani njeriu që do t’i krijojë urat mes partive opozitare?

Profesori Blerim Latifi duke komentuar situatën aktuale politike në vend, tha se në rast se mbahen zgjedhjet “Vjosa Osmani do ta destabizliojë bllokun elektoral të Kurtit”. Sipas tij, “kush kënd e tradhtoi,

Alarm në Dresden: 18 mijë banorë evakuohen pas gjetjes së bombës 250 kg të Luftës së Dytë Botërore

Rreth 18 mijë banorë u detyruan të largohen nga shtëpitë e tyre në qendër të Dresdenit pas gjetjes së një bombe britanike 250 kilogramëshe nga Lufta e Dytë Botërore, gjatë punimeve në

Rezoluta e PE-së për zgjerimin: Dialogu Kosovë-Serbi, thelbësor që dy vendet të ecin përpara

Parlamenti Evropian ka miratuar një rezolutë të mërkurën në lidhje me strategjinë e zgjerimit të Bashkimit Evropian. Teksti i miratuar, mes tjerash, siç raporton Klankosova.tv, përmend edhe avancimin e Kosovës në rrugën

Kosova mundëson riatdhesimin e shtetasve të Bosnjë-Hercegovinës nga Riadi në Prishtinë

Ministria e Punëve të Jashtme dhe Diasporës e Kosovës ka organizuar riatdhesimin e shtetasve të Bosnjë dhe Hercegovinës me një fluturim nga Riadi drejt Prishtinës (Numri i fluturimit: XY1237). Aeroplani me shtetasit

Tahiri: Haradinaj për president do të kishte vota edhe nga VV

Deputeti i AAK-së , Besnik Tahiri në “Click” ka bërë të ditur se partia e tij u ka dërguar letër Lidhja Demokratike e Kosovës (LDK) dhe Partia Demokratike e Kosovës (PDK), duke kërkuar reflektim politik dhe gjetjen e një kandidati të përbashkët për postin e presidentit. Sipas tij, në këtë iniciativë AAK nuk ka kërkuar që kandidat të jetë kryetari i partisë, Ramush Haradinaj, por një emër që mund të mbështetet nga opozita. “Ne kemi dërguar letër LDK-së dhe PDK-së. I kemi kërkuar dy çështje: e para kemi kërkuar reflektim mbi një situatë politike e diplomatike që të mos biem në diktatin e Lëvizja Vetëvendosje. Në letër kemi kërkuar që të gjejmë një kandidat të përbashkët për president. Asnjëherë nuk kemi kërkuar që Ramush Haradinaj të jetë kandidat,” tha Tahiri. Ai shtoi se kryetari i LDK-së, Lumir Abdixhiku, i është përgjigjur letrës duke u arsyetuar se kishte angazhime të tjera, ndërsa me kryetarin e PDK-së, Bedri Hamza, sipas tij, është zhvilluar takim, por pa një përgjigje të qartë për këtë propozim. Tahiri theksoi gjithashtu se është i bindur që një numër i madh deputetësh do ta kishin votuar Haradinajn për president, përfshirë edhe disa nga radhët e Vetëvendosjes, por sipas tij, numrat e nevojshëm nuk u siguruan nga LDK-ja dhe PDK-ja.