Flamuri kombëtar iu dorëzua familjes së Milaim Avdiut, mjekut të luftës, ndërsa ushtarët e lirisë mbajtën fotografinë e tij, në lamtumirën e fundit që iu dha sot.
Gjatë luftës 1998-99, Avdiu kujdesej për shëndetin e ushtarëve të UÇK-së në pikën e Rances, në zonën operative të Nerodimes.
Çanta dhe ilaçet që përdorte atëherë ruhen ende në spitalin e Ferizajt, ku shërbeu si internist për mbi një dekadë, duke lënë kujtime të mira te kolegët dhe pacientët.
Paraprakisht është mbajtur edhe një mbledhje komemorative për të nderuar jetën dhe veprën e tij.
