Kryetari i AAK-së, Ramush Haradinaj ka shprehur ngushëllimet e tij për 16 viktimat si pasojë e dy aksidenteve të rënda rrugore në Turqi.
Ai shtoi se Kosova është pranë popullit turk në këto momente të vështira.
“Shteti mik turk u trondit nga dy aksidente të rënda rrugore, që morën jetën e 16 personave dhe lanë dhjetëra të tjerë të lënduar. Në emrin tim dhe të Aleancës për Ardhmërinë e Kosovës, shpreh ngushëllimet më të sinqerta për familjet që humbën më të dashurit e tyre në këto tragjedi. Të lënduarve u uroj shërim të shpejtë”, ka shkruar ai.
