Në Klinikën e Kirurgjisë Vaskulare në Qendrën Klinike Universitare të Kosovës, është realizuar për herë të parë me sukses ndërhyrja kirurgjikale për Sindromën Eagle (një patologji e rrallë dhe komplekse).
Sindroma Eagle shkaktohet nga zgjatja jonormale e procesit stiloid në bazën e kafkës dhe manifestohet me dhimbje të forta në qafë dhe fyt, vështirësi në gëlltitje, si dhe në raste të caktuara, me çrregullime të qarkullimit të gjakut për shkak të afërsisë me arteriet karotide.
Udhëheqësi i këtij operacioni, doktor Hajriz Rudari në emisionin “Ora Shtatë” tha se më parë, ky lloj operacioni nuk është intervenuar për shkak se pacientët edhe kanë mundur të mos e dinë ku të drejtohen.
“Kanë mundur të mendojnë se nuk ka kushte, nuk e bëjmë, por pacienti ynë ka bredhur edhe në klinika private, por te ne operacioni u krye me sukses, dhe për fat të mirë ai është shumë mirë”, tha Rudari.
Nga ana tjetër, në Klan Kosova, mjeku Lulzim Vokrri shtjelloi në përpikmëri se si krijohet kjo sindromë, dhe si e njëjta trajtohet.
