Ndeshja mes Liverpoolit dhe Manchester Cityt u vendos nga një moment kyç në minutat e fundit, kur Gianluigi Donnarumma u shndërrua në heroin absolut.
Portieri italian realizoi një pritje spektakolare ndaj goditjes së Alexis Mac Allister, duke shmangur golin e sigurt dhe duke mbajtur epërsinë e Man City në Anfield Road 1-2.
Reagimi i Pep Guardiolës në vijën anësore nuk kaloi pa u vënë re. Trajneri i Cityt, i njohur për kontrollin e emocioneve, u ngrit në këmbë dhe reagoi me habi maksimale, një pamje që u bë menjëherë virale në rrjetet sociale. “Çfarë pritje!”, ishte mesazhi i qartë që përcolli momenti, duke nënvizuar nivelin e jashtëzakonshëm të ndërhyrjes së Donnarummës.
Pritja erdhi në një fazë delikate të ndeshjes, kur Liverpooli po shtonte presionin dhe kërkonte me çdo kusht golin e barazimit. Donnarumma, me refleksin e tij dhe pozicionimin perfekt, konfirmoi edhe një herë pse konsiderohet ndër portierët më të mirë në qarkullim.
Ky episod jo vetëm që mbajti Cityn në lojë, por edhe u kthye në një nga momentet më të komentuara të sfidës, duke treguar se në ndeshje të këtij niveli, një pritje mund të vlejë po aq sa një gol.
