Presidenti i Republikës së Shqipërisë, Bajram Begaj, është takuar me kryetaren e Komunës së Preshevës, Ardita Sinani.
Bashkë me Sinanin, Begaj diskutoi mbi të drejtat e shqiptarëve në Luginën e Preshevës.
Gjatë takimit pozitiv, Begaj pohoi se Shqipëria u zotua të jetë zë i fortë për shqiptarët e Luginës.
“Me kryetaren e Komunës së Preshevës, Ardita Sinani për të drejtat e shqiptarëve në Luginën e Preshevës dhe sfidat me të cilat përballen.
Shqipëria do të vijojë të jetë një zë i fortë në mbrojtje të shqiptarëve në Preshevë, Bujanoc dhe Medvegjë” shkroi Begaj në Facebook.
Tash e disa vjet, shqiptarët e Luginës vazhdojnë të jenë të shtypur nga shteti serb, i cili po iu mohon regjistrimin, adresat dhe qasjen në shumë institucione.
