Ministri i Ministrisë për Punë, Familje dhe Vlerat e Luftës Çlirimtare, z. Andin Hoti, u takua me Shefen e UNICEF-it në Kosovë, znj. Veronika Vashchenko dhe Specialistin për Politika Sociale në UNICEF, z. Dren Rexha.
Në takim u diskutua për prioritetet e Ministrisë për Punë, Familje dhe Vlerat e Luftës Çlirimtare, në fushën e punësimit, mbrojtjes sociale dhe shërbimeve për fëmijët dhe familjet, si dhe për drejtimet e përbashkëta brenda Programit të UNICEF-it 2026–2030.
Ministri Hoti theksoi se në fokus të MPFVLÇ-së është ndërtimi i një sistemi funksional dhe të qëndrueshëm të shërbimeve sociale, që i përgjigjet realisht nevojave të fëmijëve dhe familjeve, veçanërisht atyre më të cenueshme, dhe e falënderoi UNICEF-in për mbështetjen e deritanishme dhe dakorduam që bashkëpunimi të fokusohet në rezultate konkrete dhe të matshme në terren.
