Kryetari i Partisë Demokratike të Kosovës, Bedri Hamza, ka folur për çështjen e presidentit pas aktgjykimit të djeshëm të Gjykatës Kushtetuese.
Sipas këtij aktgjykimi, është caktuar një afat prej 34 ditësh për zgjedhjen e presidentit të ri të vendit.
Kreu i PDK-së, ka thënë se ende nuk ka një ftesë të re nga kryeministri i vendit, Albin Kurti për të diskutuar hapat tutje pas afatit të dhënë nga Kushtetuesja.
Ndërkaq, Hamza ka thënë se këtë çështje do ta diskutojnë brenda organeve të partisë dhe do të dalin me qëndrim.
“Para diskutimit në organet e PDK-së nuk është e duhura sepse për këtë janë diskutimet. Për të debatuar, diskutuar dhe për të marrë vendime dhe për të qëndruar në këto vendime”, ka thënë Hamza para se të nisë mbledhja e kryesisë së PDK-së.
