Një specializante e Internos raportohet se është sulmuar nga qentë endacakë në oborrin e Qendrës Klinike Universitare të Kosovës, konkretisht tek Klinika e Ortopedisë.
Kështu bëjnë të ditur burime të gazetares së Klan Kosovës, Arbreshë Uka.
Bazuar në këto burime, mjekja e re është shtatzënë, dhe aktualisht po trajtohet në Klinikën Emergjente për plagë në kokë.
Kujtojmë se gazetarja Uka ka raportuar plot herë se si mjekët, infermierët e stafi i QKUK-së kanë pësuar nga qentë endacakë, në vendin ku punojnë.
