Policia e Kosovës ka bërë të ditur se ka arrestuar një mashkull si të dyshuar për veprën penale “ngacmim/fotografim dhe incizim i paautorizuar”.
Sipas raportit, rasti ka ndodhur më 17 shtator 2025, rreth orës 11:00 në Prishtinë, ndërsa pas hetimeve të zhvilluara, më 23 shtator 2025 është bërë arrestimi i tij.
Viktima e kësaj ngjarjeje është një femër kosovare.
Me vendim të prokurorit të shtetit, i dyshuari është dërguar në mbajtje, ndërkohë që hetimet po vazhdojnë për zbardhjen e plotë të rastit.
Policia apelon për denoncim të menjëhershëm të çdo rasti të ngjashëm, për mbrojtjen e të drejtave dhe sigurisë së qytetarëve.
