Ekipet e inxhinierëve të caktuar në Komandën Rajonale-Perëndim të KFOR-it zhvilluan një aktivitet trajnimi me asetet e K9 në kampin “Sparta” në Deçan.
Trajnimi u përqendrua në patrullimin e koordinuar dhe zbulimin e municioneve shpërthyese.
Sipas KFOR-it, trajnimi së bashku me ekipet e K9 rrit aftësinë e inxhinierëve për të identifikuar kërcënimet e mundshme dhe siguron lëvizje më të sigurt përgjatë rrugëve kryesore, si dhe brenda ndërtesave dhe infrastrukturës kritike.
“Përmes aktiviteteve të tilla, personeli i KFOR-it ruan ndërgjegjësimin për situatën dhe kontribuon në stabilitetin rajonal, duke riafirmuar angazhimin e KFOR-it për një mjedis të sigurt për të gjithë njerëzit që jetojnë në Kosovë.
KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit që jetojnë në Kosovë dhe lirinë e lëvizjes, në çdo kohë dhe në mënyrë të paanshme” deklaron KFOR-i.
