Ministri në detyrë i Punëve të Brendshme, Xhelal Sveçla, ka njoftuar themelimin e grupit punues për modalitetet e programit të pensionimit të parakohshëm në Policinë e Kosovës.
Grupi në fjalë mbajti sot takimin e parë dhe pritet të organizojë konsultime, takime pune dhe sesione dëgjimore me strukturat organizative të PK-së.
“Në kuadër të kësaj analize, do të shqyrtohet mundësia e zbatimit gradual të programit, duke filluar nga mosha 63 vjeç dhe duke u ulur progresivisht deri në moshën 55 vjeç, në përputhje me kapacitetet financiare dhe nevojat institucionale” shkroi Sveçla.
