Drejtori i Autoritetit Kombëtar të Ushqimit (AKU) në Shkodër, Ramir Haderi është goditur sonte në mbrëmje nga disa persona ende të panjohur.
Ai po ecte me bashkëshorten e tij në këmbë kur disa persona i janë afruar dhe e kanë goditur.
Kreu i AKU-së është goditur me sende të forta në kokë, duke i shkaktuar lëndime të konsiderueshme.
Ai ndodhet në urgjencën në spitalin e Shkodrës ku po merr ndihmën e parë. Ende nuk dihen shkaqet e sakta të këtij rasti.
Menjëherë në vendngjarje kanë mbërritur forcat e policisë.
Sipas raportimeve të para, dyshohet se ky sulm është bërë për shkak të detyrës së tij si drejtor.
