Një zjarr ka përfshirë mesditen e sotme një hapësirë me parcela të mbjella me grurë në rrugën që nga Arbëria të çon në Shkabaj.
Në vendin e ngjarjes kanë intervenuar njësitet e Zjarrfikjes së Kryeqytetit, të cilat po punojnë për lokalizimin dhe shuarjen e flakëve, me qëllim që zjarri të mos përhapet në sipërfaqe të tjera.
Sipas pamjeve nga vendi i ngjarjes, disa automjete të zjarrfikësve janë angazhuar në operacionin e shuarjes së zjarrit.
Ende nuk dihen shkaqet që çuan në shpërthimin e zjarrit, ndërsa nuk është raportuar për persona të lënduar.
