Dhoma e Tregtisë dhe Industrisë së Kosovës ka zhvilluar një takim me drejtorin e Doganës së Kosovës, Agron Llugaliu, ku u diskutuan sfidat e bizneseve dhe mundësitë për forcimin e bashkëpunimit.
Kryetari i Bordit të DHTIK-së, Skënder Krasniqi, kërkoi që institucionet e reja të funksionalizohen sa më shpejt për të adresuar problemet e prodhuesve vendorë, duke përmendur edhe çështjen e TVSH-së si një nga sfidat kryesore.
Ndërsa Llugaliu tha se Dogana është e gatshme të vazhdojë bashkëpunimin me bizneset dhe përmendi punën për krijimin e një zyre të përbashkët doganore me Shqipërinë, që synon lehtësimin e eksporteve.
Në takim u diskutuan edhe procedurat doganore, importet dhe sfidat e tjera me të cilat përballen bizneset.
/Demantim News/
