Kryeprokurori Gashi mban takimin e parë me prokurorët: Profesionalizmi dhe integriteti, kyçe për sundimin e ligjit
Kryeprokurori i Shtetit, Zejnulla Gashi, ka zhvilluar takimin e tij të parë me prokurorët e Zyrës së Kryeprokurorit të Shtetit, duke vënë theksin te bashkëpunimi, profesionalizmi dhe përkushtimi në ushtrimin e detyrave kushtetuese dhe ligjore.
Gashi falënderoi prokurorët për angazhimin e tyre dhe theksoi se puna e institucionit duhet të karakterizohet nga profesionalizmi, integriteti, efikasiteti dhe llogaridhënia, me synim forcimin e sundimit të ligjit dhe rritjen e besimit të qytetarëve.
Ai shprehu gatishmërinë për bashkëpunim të vazhdueshëm, duke nënvizuar se rezultatet e pritura mund të arrihen vetëm përmes angazhimit të përbashkët. /Demantim News/
