Zyra e Prerjes së Monedhave në SHBA pritet të prodhojë monedha njëdollarëshe me portretin e presidentit Donald Trump, në kuadër të 250-vjetorit të pavarësisë së Shteteve të Bashkuara.
Monedha do të ketë në anën tjetër vulën presidenciale me shënimin “250”. Përfshirja e figurave të gjalla në monedhat amerikane është e rrallë, për shkak të kufizimeve ligjore.
Trump kishte nënshkruar më herët një ligj që lejonte emetimin e monedhave për përvjetorin e SHBA-së, ndërsa njoftimi për dizajnin e ri është bërë edhe nga Shtëpia e Bardhë.
/Demantim News/
