Pesë prokurorë dhe 15 zyrtarë të stafit mbështetës nga komuniteti serb kanë tërhequr dorëheqjet e paralajmëruara më herët në Prokurorinë Themelore në Mitrovicë.
Lajmin e ka konfirmuar kryesuesi i Këshillit Prokurorial të Kosovës, Arian Gashi, i cili tha se KPK ka pranuar rreth 20 njoftime për tërheqjen e dorëheqjeve.
Sipas tij, njoftimet janë dërguar nga prokurorë dhe staf administrativ i kësaj prokurorie, duke konfirmuar rikthimin e tyre pas vendimit të mëparshëm për largim. /Demantim News/
