SHBA-të kanë kryer sulme ndaj Iranit për të gjashtën ditë radhazi, ndërsa luftimet për kontrollin e Ngushticës së Hormuzit po vazhdojnë të përshkallëzohen.
Sipas Komandës Qendrore Amerikane (CENTCOM), sulmet kishin për qëllim dobësimin e kapaciteteve ushtarake iraniane. Ndërkohë, mediat iraniane raportojnë se janë goditur edhe objekte civile, përfshirë ura, një stacion hekurudhor dhe një aeroport.
Nga ana tjetër, Garda Revolucionare e Iranit pretendon se ka sulmuar objektiva ushtarake amerikane në rajon, ndërsa Ngushtica e Hormuzit mbetet e mbyllur, duke rritur shqetësimet për furnizimet globale me energji.
Përshkallëzimi i konfliktit ka nxitur thirrje ndërkombëtare për ndërprerjen e luftimeve dhe rikthimin në negociata. /Demantim News/
