Presidenti i Serbisë, Aleksandar Vuçiq, ka lënë të hapur mundësinë për t’u rikthyer në postin e kryeministrit, por ka thënë se këtë do ta bëjë vetëm me votën e qytetarëve.
Ai deklaroi se zgjedhjet parlamentare pritet të shpallen së shpejti dhe se nuk dëshiron të marrë një funksion pa marrë më parë mbështetjen e popullit.
Vuçiq tha se ekziston mundësia ligjore që të bëhet kryeministër pas dorëheqjes nga posti i presidentit, por theksoi se ky nuk është skenari që preferon.
Ai ka qenë kryeministër i Serbisë nga viti 2014 deri më 2017, ndërsa rikthimi i mundshëm në këtë pozitë është krahasuar nga kritikët me modelin politik të Vladimir Putinit. /Demantim News/
