Gazment Bardhi është përjashtuar nga seanca plenare pasi hodhi ujë në drejtim të Kryeministrit Edi Rama, duke shkaktuar tensione në Kuvend.
Deputetët e opozitës bllokuan foltoren gjatë votimit të projektligjeve, ndërsa pas incidentit kryetari i Kuvendit urdhëroi përjashtimin e Bardhit nga seanca. Pavarësisht vendimit, ai vijoi të qëndronte në sallë.
Jashtë Parlamentit pati përplasje mes protestuesve dhe policisë, e cila përdori gaz lotsjellës për shpërndarjen e turmës. Si pasojë, u raportuan të lënduar nga të dyja palët.
/Demantim News/
