Një argjendari në zonën e Paskuqanit, në Kamëz, është grabitur pasditen e së mërkurës nga dy persona të paidentifikuar.
Sipas të dhënave paraprake, të dyshuarit ishin të armatosur, por arma nuk është përdorur gjatë grabitjes. Pasi morën sende me vlerë nga argjendaria, ata u larguan nga vendi i ngjarjes me një motoçikletë.
Policia ka dalë menjëherë në vendngjarje dhe ka nisur hetimet për identifikimin e autorëve, kapjen e tyre dhe sqarimin e plotë të rrethanave të rastit.
Në njoftimin e policisë thuhet se grupi hetimor është duke mbledhur dhe analizuar provat që pritet të ndihmojnë në zbardhjen e ngjarjes dhe dokumentimin e plotë të rastit.
