Kryetari i Aleancës, Ardian Gjini, ka refuzuar ftesën për takim nga lideri i LVV-së, Albin Kurti, lidhur me formimin e institucioneve të reja.
Në letrën e kthyer Kurtit, Gjini ka thënë se qëndrimet e Aleancës janë të njohura dhe se nuk sheh nevojë për një takim të tillë.
Ai ka deklaruar se, edhe pse pajtohet që demokracia kërkon bashkëpunim, është i bindur se rruga politike e ndjekur nga Kurti është e gabuar dhe e dëmshme për Kosovën.
Gjini ka shtuar se ftesat për takime nuk duhet të përdoren për të krijuar hapësirë për fajësime rreth mungesës së bashkëpunimit.
