Ministri në detyrë i Jashtëm, Glauk Konjufca, ka deklaruar se Serbia vazhdon të përbëjë kërcënim për stabilitetin e Ballkanit dhe Evropës.
Ai kritikoi edhe Bashkimin Evropian, duke thënë se toleranca ndaj Beogradit e ka inkurajuar Serbinë të vazhdojë me politika destabilizuese ndaj Kosovës.
Konjufca kërkoi që deklaratat kërcënuese të zyrtarëve serbë të merren seriozisht edhe nga aleatët ndërkombëtarë, ndërsa theksoi se Kosova vazhdon të jetë në linjë me partnerët perëndimorë, përfshirë mbështetjen ndaj Ukrainës dhe sanksionet kundër Rusisë.
