Deputeti i zgjedhur i PDK-së, Përparim Gruda, i është kundërpërgjigjur Glauk Konjufcës lidhur me vazhdimin e seancës konstituive të Kuvendit.
Gruda ka thënë se Gjykata Kushtetuese shkohet për të interpretuar Kushtetutën, e jo për të interpretuar sërish aktgjykimet e saj.
Sipas tij, në Aktgjykimin KO124/25, Gjykata ka përcaktuar qartë se Kuvendi duhet të konstituohet brenda 30 ditësh nga certifikimi i rezultateve, dhe jo vetëm të provohet nisja e procesit.
Gruda i është referuar edhe paragrafit 140 të aktgjykimit, duke theksuar se afati 30-ditor është afat brenda të cilit duhet të përfundojë konstituimi i Kuvendit.
“Çfarë po kërkon të dërgojmë edhe një herë në Gjykatë? Që Gjykata ta interpretojë interpretimin e vet?”, ka shkruar Gruda.
