Një aksident i rëndë rrugor gjatë natës në Manzë të Durrësit ka përfunduar me tre viktima, ndërsa dy persona të tjerë kanë mbetur të plagosur.
Mes viktimave janë Vali Qyrfyçi, Kleo Vrioni, drejtuesi i automjetit, dhe shtetasja italiane Sara Brugentelli, 26 vjeçe. Sipas të dhënave të bëra publike, Vali Qyrfyçi dhe Sara Brugentelli ishin martuar vetëm pak ditë para tragjedisë.
Çifti po udhëtonte me një automjet BMW kur dyshohet se drejtuesi humbi kontrollin e makinës, e cila më pas u përplas me një strukturë betoni. Përplasja rezultoi fatale për dy personat.
Viktimë e aksidentit mbeti edhe 15-vjeçari Alvi Muhaxhiri.
Nga aksidenti u lënduan gjithashtu Rejsi Vrijoni, 25 vjeç, dhe Klevis Dervishi, 16 vjeç. Ky i fundit raportohet se është në gjendje të rëndë shëndetësore.
Hetimet për ngjarjen janë duke vazhduar, ndërsa autoritetet po punojnë për të përcaktuar rrethanat e plota që çuan në aksident.
