Ministria e Mbrojtjes ka hapur konkursin për nominimin e kandidatëve nga Kosova që dëshirojnë të ndjekin studimet në Akademinë Ushtarake të Shteteve të Bashkuara të Amerikës.
Të drejtë aplikimi kanë shtetasit e Kosovës që kanë përfunduar shkollën e mesme, janë 18 deri në 22 vjeç dhe plotësojnë kriteret shëndetësore, fizike dhe ligjore të përcaktuara.
Programi u mundëson të rinjve nga Kosova të ndjekin studime në një prej institucioneve më të njohura të arsimit ushtarak në SHBA dhe të ndërtojnë karrierë në fushën ushtarake.
Aplikimi është i hapur nga 24 gushti deri më 7 shtator 2026.
Procedurat dhe kriteret e plota të aplikimit janë publikuar nga Ministria e Mbrojtjes.
