Organizata e Veteranëve të Luftës së UÇK-së ka bërë të ditur se do ta mbështesë protestën e paralajmëruar më 12 shtator nga platforma “Liria ka Emër”, në mbështetje të ish-krerëve të UÇK-së në Hagë.
Kryetari i OVL-UÇK-së, Hysni Gucati, u ka bërë thirrje qytetarëve që t’i bashkohen protestës dhe të jenë pjesë e saj.
Gucati ka folur edhe për peticionin me mbi 200 mijë nënshkrime, të cilin organizata thotë se e ka dorëzuar në Gjykatën Speciale, duke kërkuar lirimin e ish-krerëve të UÇK-së.
Ai ka përmendur gjithashtu takimet dhe letrat e dërguara në institucione e vende të ndryshme, me kërkesën për drejtësi dhe trajtim të barabartë në procesin gjyqësor në Hagë.
