Në një kodër të Blinajës, në komunën e Lipjanit, është përuruar obelisku me tri shkronjat e arta “UÇK”, i cili do të jetë i ndriçuar dhe i dukshëm nga zona të ndryshme përreth.
Vendosja e shkronjave synon të ruajë dhe promovojë simbolin e Ushtrisë Çlirimtare të Kosovës, si dhe kujtimin për luftën e saj.
Obelisku është ngritur në një pikë të lartë të Blinajës, në mënyrë që mbishkrimi “UÇK” të mund të shihet nga një pjesë sa më e madhe e territorit përreth.
Projekti është finalizuar pas rreth tre muajsh punë, ndërsa obeliskë të ngjashëm me simbolin e UÇK-së janë vendosur edhe në zona të tjera të Kosovës.
/Demantim News/
