Kryetarja e Alternativës, Mimoza Kusari-Lila, ka dalë në mbështetje të kandidaturës së profesor doktor Bekim Sejdiut për president të Kosovës.
Përmes një reagimi, Kusari-Lila ka vlerësuar se kandidatura e Sejdiut meriton mbështetje, duke theksuar se në krye të shtetit duhet të jetë një figurë që përfaqëson Kosovën përtej interesave dhe ndarjeve partiake.
“Bekim Sejdiu për President të Kosovës! Kandidatura e Prof. Dr. Bekim Sejdiut meriton mbështetje, sepse Kosovës i duhet një President që përfaqëson shtetin përtej ndarjeve partiake”, ka shkruar Kusari-Lila.
Deklarimi i saj vjen në kohën kur çështja e zgjedhjes së presidentit është në qendër të diskutimeve politike në vend.
/Demantim News/
