Ekipet e mirëmbajtjes po vazhdojnë punimet në terren për mirëmbajtjen e autoudhës dhe përmirësimin e sigurisë për të gjithë pjesëmarrësit në komunikacion.
Në kuadër të ndërhyrjeve, vëmendje e veçantë po i kushtohet ripërtëritjes dhe zëvendësimit të sinjalistikës horizontale dhe vertikale përgjatë segmenteve ku është e nevojshme.
Nga ekipet përgjegjëse është kërkuar që punimet të realizohen me intensitet dhe të përfundojnë sa më shpejt që të jetë e mundur, në mënyrë që qarkullimi të zhvillohet në kushte sa më të sigurta.
Ministria ka falënderuar qytetarët për mirëkuptimin gjatë kohës së zhvillimit të punimeve, ndërsa ka apeluar te drejtuesit e automjeteve për kujdes të shtuar.
Shoferëve u kërkohet të respektojnë kufizimet e shpejtësisë dhe sinjalistikën e vendosur në zonat ku po zhvillohen punimet, me qëllim të mbrojtjes së tyre dhe të punëtorëve që janë të angazhuar në terren.
/Demantim News/
