Aeroporti ndërkombëtar i Mynihut në Gjermani ka rifilluar operacionet e fluturimit pas pezullimit të përkohshëm që u shkaktua nga raportimet për praninë e dronëve mbi hapësirën ajrore të aeroportit.
Incidenti çoi në anulimin e 17 fluturimeve, devijimin e 15 të tjerave dhe bllokimin e afro 3,000 pasagjerëve, raporton Aljazeera.
Sipas autoriteteve gjermane, kontrolli ajror raportoi për herë të parë një dron rreth orës 22:18 të së enjtes. Pas konfirmimeve të mëtejshme dhe raportimeve të shumta nga dëshmitarë, aeroporti vendosi të ndalojë përkohësisht të gjitha fluturimet, për arsye sigurie.
Fluturimet filluan të rifillonin në orët e para të së premtes, me avionët që nisën ngritjen rreth orës 05:50 të mëngjesit.
Policia gjermane është duke hetuar ngjarjen, ndërkohë që helikopterë të policisë janë përdorur për kërkimin e dronëve. Deri më tani, nuk ka informacion të konfirmuar për numrin apo llojin e dronëve të përfshirë.
