Presidentja e Kosovës, Justina Shiroka Pula, ka pritur sot në takim ipeshkvin e Ipeshkvisë Prizren-Prishtinë, Imzot Dodë Gjergji, me të cilin ka diskutuar për bashkëpunimin ndërmjet institucioneve shtetërore dhe bashkësive fetare.
Gjatë takimit, Gjergji e ka uruar presidenten për marrjen e detyrës së re, duke i dëshiruar suksese në ushtrimin e mandatit.
Bashkëpunimi institucional, thelbësor për paqen dhe tolerancën
Sipas njoftimit, një nga temat kryesore të diskutimit ishte rëndësia e bashkëpunimit ndërmjet institucioneve të vendit dhe bashkësive fetare për ruajtjen e paqes, mirëqenies dhe tolerancës në shoqëri.
Presidentja Shiroka Pula ka vlerësuar kontributin e Kishës Katolike në Kosovë në ruajtjen e traditës dhe forcimin e harmonisë ndërfetare.
Ajo gjithashtu ka theksuar rëndësinë e kultivimit të solidaritetit dhe bashkëjetesës ndërmjet qytetarëve, si vlera të rëndësishme për një shoqëri të qëndrueshme dhe gjithëpërfshirëse.
Takimi vjen në kuadër të kontakteve institucionale të presidentes me përfaqësues të bashkësive fetare në Kosovë.
