LDK reagon për incidentin e Zemajt me qytetarin: U sulmua fizikisht, akt i papranueshëm- cenim i sigurisë personale – Demantim | Mohojmë gënjeshtrat, shpërbëjmë mashtrimet dhe sqarojmë të vërtetat.

Lidhja Demokratike e Kosovës, ka reaguar lidhur me incidentin mes deputetit të kësaj partie, Armend Zemaj dhe një qytetari, duke thënë se Zemaj, përveç që është ofenduar dhe provokuar verbalisht, ai është përballur me sulm fizik ndaj tij.

LDK e ka cilësuar si akt të papranueshëm, i cili, shton kjo parti, e cenon në mënyrë të drejtpërdrejtë sigurinë personale të një përfaqësuesi të zgjedhur të popullit.

‘’Sulmet, qoftë verbale apo fizike, ndaj përfaqësuesve të popullit dhe zyrtarëve të LDK-së, përbëjnë cenim të drejtpërdrejtë të dinjitetit institucional dhe të kulturës demokratike mbi të cilën ndërtohet shteti ynë’’, është thënë nga LDK.

Nga LDK është deklaruar edhe se mendimi ndryshe është vlerë themelore e demokracisë, porse, shprehja e tij kurrë nuk mund të kalojë në fyerje apo dhunë.

Komunikata:

Lidhja Demokratike e Kosovës dënon ashpër sulmin e papranueshëm të ndodhur sot gjatë një interviste publike, ku deputeti i LDK-së, z. Armend Zemaj, jo vetëm që është ofenduar dhe provokuar verbalisht, por edhe është përballur me sulm fizik ndaj tij. Ky akt është i papranueshëm dhe përbën cenim të drejtpërdrejtë ndaj sigurisë personale të një përfaqësuesi të zgjedhur të popullit e të LDK-së dhe ndaj vetë integritetit të institucioneve demokratike të vendit.

Sulmet, qoftë verbale apo fizike, ndaj përfaqësuesve të popullit dhe zyrtarëve të LDK-së, përbëjnë cenim të drejtpërdrejtë të dinjitetit institucional dhe të kulturës demokratike mbi të cilën ndërtohet shteti ynë. Mendimi ndryshe është vlerë themelore e demokracisë, por shprehja e tij kurrë nuk mund të kalojë në fyerje apo dhunë.

Lidhja Demokratike e Kosovës shpreh solidaritet të plotë me deputetin Armend Zemaj dhe fton organet e rendit dhe ligjit të sqarojnë me përgjegjësi rrethanat e sulmit.

Për LDK-në, respekti ndaj institucioneve dhe përfaqësuesve të tyre është respekt ndaj vetë shtetit dhe ndaj rendit demokratik. Kultura e debatit, e respektit dhe e dinjitetit duhet të mbizotërojë në jetën publike, si garanci e paqes shoqërore dhe e funksionimit demokratik të shoqërisë sonë.

Latest from Blog

“Kush kënd e tradhtoi, do jetë pyetja e fushatës”, Latifi: A do jetë Osmani njeriu që do t’i krijojë urat mes partive opozitare?

Profesori Blerim Latifi duke komentuar situatën aktuale politike në vend, tha se në rast se mbahen zgjedhjet “Vjosa Osmani do ta destabizliojë bllokun elektoral të Kurtit”. Sipas tij, “kush kënd e tradhtoi,

Alarm në Dresden: 18 mijë banorë evakuohen pas gjetjes së bombës 250 kg të Luftës së Dytë Botërore

Rreth 18 mijë banorë u detyruan të largohen nga shtëpitë e tyre në qendër të Dresdenit pas gjetjes së një bombe britanike 250 kilogramëshe nga Lufta e Dytë Botërore, gjatë punimeve në

Rezoluta e PE-së për zgjerimin: Dialogu Kosovë-Serbi, thelbësor që dy vendet të ecin përpara

Parlamenti Evropian ka miratuar një rezolutë të mërkurën në lidhje me strategjinë e zgjerimit të Bashkimit Evropian. Teksti i miratuar, mes tjerash, siç raporton Klankosova.tv, përmend edhe avancimin e Kosovës në rrugën

Kosova mundëson riatdhesimin e shtetasve të Bosnjë-Hercegovinës nga Riadi në Prishtinë

Ministria e Punëve të Jashtme dhe Diasporës e Kosovës ka organizuar riatdhesimin e shtetasve të Bosnjë dhe Hercegovinës me një fluturim nga Riadi drejt Prishtinës (Numri i fluturimit: XY1237). Aeroplani me shtetasit

Tahiri: Haradinaj për president do të kishte vota edhe nga VV

Deputeti i AAK-së , Besnik Tahiri në “Click” ka bërë të ditur se partia e tij u ka dërguar letër Lidhja Demokratike e Kosovës (LDK) dhe Partia Demokratike e Kosovës (PDK), duke kërkuar reflektim politik dhe gjetjen e një kandidati të përbashkët për postin e presidentit. Sipas tij, në këtë iniciativë AAK nuk ka kërkuar që kandidat të jetë kryetari i partisë, Ramush Haradinaj, por një emër që mund të mbështetet nga opozita. “Ne kemi dërguar letër LDK-së dhe PDK-së. I kemi kërkuar dy çështje: e para kemi kërkuar reflektim mbi një situatë politike e diplomatike që të mos biem në diktatin e Lëvizja Vetëvendosje. Në letër kemi kërkuar që të gjejmë një kandidat të përbashkët për president. Asnjëherë nuk kemi kërkuar që Ramush Haradinaj të jetë kandidat,” tha Tahiri. Ai shtoi se kryetari i LDK-së, Lumir Abdixhiku, i është përgjigjur letrës duke u arsyetuar se kishte angazhime të tjera, ndërsa me kryetarin e PDK-së, Bedri Hamza, sipas tij, është zhvilluar takim, por pa një përgjigje të qartë për këtë propozim. Tahiri theksoi gjithashtu se është i bindur që një numër i madh deputetësh do ta kishin votuar Haradinajn për president, përfshirë edhe disa nga radhët e Vetëvendosjes, por sipas tij, numrat e nevojshëm nuk u siguruan nga LDK-ja dhe PDK-ja.