Tre persona kanë mbetur të lënduar si pasojë e një aksidenti që ka ndodhur sot rreth orës 17:00 në rrugën Prishtinë–Podujevë.
Lidhur me rastin është deklaruar edhe policia përmes zëdhënëses rajonale të Prishtinës, Flora Ahmeti.
Ahmeti tha se në aksident janë përfshirë dy automjete në lëvizje, ndërsa të lënduarit janë dërguar për trajtim mjekësor.
“Lidhur me rastin, hetimet po i zhvillon njësiti rajonal i trafikut, i cili po merret me zbardhjen e rrethanave të aksidentit”, deklaroi Ahmeti.
