Trupat e dy alpinistëve belgë, të zhdukur në Alpet Zvicerane në vitin 1992, janë gjetur më shumë se tri dekada më vonë, pasi mbetjet e tyre dolën në sipërfaqe si pasojë e shkrirjes së akullnajës.
Policia zvicerane njoftoi se trupat u zbuluan më 26 korrik nga një alpinist në akullnajën Trift, në jug të Luzernit.
Pas analizave të ADN-së u konfirmua se bëhej fjalë për dy shtetas belgë, të cilët ishin zhdukur 34 vjet më parë pranë malit Weissmies. Në kohën e zhdukjes, ata ishin 39 dhe 41 vjeç.
Rasti është bërë i ditur në një kohë kur akullnajat zvicerane po pësojnë tërheqje të shpejtë. Sipas të dhënave të organizatës Glamos, akullnajat në Zvicër janë tkurrur me rreth një të katërtën gjatë dekadës deri në vitin 2025, një zhvillim që shkencëtarët e lidhin kryesisht me ndryshimet klimatike.
