Organizata e Veteranëve të Luftës së UÇK-së ka mbajtur konferencë për media në Skenderaj, ku kryetari i kësaj organizate, Hysni Gucati, tha se ardhja e tyre në këtë komunë nuk ishte si mysafirë, por për një çështje që, sipas tij, ka shqetësuar veteranët pas aksionit të Njësisë Speciale të Policisë së Kosovës, të zhvilluar mbrëmjen e së enjtes në Skenderaj.
Gjatë konferencës, Gucati deklaroi se mbrëmë ka qenë Skenderaj “në njëfarë forme i rrethuar” nga forcat e Policisë së Kosovës, duke thënë se në 17 pika kanë qenë të pranishëm pjesëtarë të policisë.
Ai po ashtu deklaroi se ,sipas tij, kryetari i Skenderajt, Sami Lushtaku, nuk është duke iu shmangur drejtësisë.
