Deputeti i Lëvizjes Vetëvendosje, Mefail Bajqinovci, ka reaguar pas vendimit të Presidentes së Kosovës, Justina Shiroka-Pula, për ta kthyer në Kuvend për rishqyrtim Ligjin për Dhomat e Specializuara.
Bajqinovci ka kritikuar Partinë Demokratike të Kosovës, duke vënë në pikëpyetje ndryshimin e qëndrimit të saj pas deklaratave të forta, presionit publik dhe protestave në mbështetje të miratimit të ligjit.
Ai ka rikujtuar edhe deklaratat e mëparshme për bomba dhe paralajmërimet se deputetët nuk do të dilnin të gjallë pa e votuar ligjin, duke kërkuar sqarime nga ata që, sipas tij, ushtruan presion për miratimin e tij.
Reagimi i plotë:
“E tash, qysh me ia ba me ato deklaratat e forta për bomba dhe fjalët se ‘deputetët nuk dalin të gjallë pa e votuar ligjin’?
Ku janë sot ata që ushtronin presion të madh publik mbi Qeverinë dhe deputetët e Lëvizjes VETËVENDOSJE!?
Na thoshit: ‘Votojeni ligjin, se ndryshe s’bën!’
Ne e votuam!
PDK-ja, paska kërkuar që ligji për Gjykatën Speciale të kthehet sërish në Kuvend, pas gjithë atyre deklaratave, reagimeve dhe protestave?
A vlejnë të njëjtat kritere edhe për PDK-në, apo kërkesat dhe presioni publik vlejnë vetëm kur bëhet fjalë për deputetët e VV-së?
Ku mbetën ultimatumet dhe ku mbetën zërat që kërkonin votimin me çdo kusht?
Qytetarët meritojnë një shpjegim!”
