Fondi Monetar Ndërkombëtar ka ulur lehtë parashikimin për rritjen ekonomike globale këtë vit, duke paralajmëruar se lufta në Lindjen e Mesme mund të ketë pasoja më të rënda nëse zgjatet dhe rrit çmimet e energjisë.
Sipas FMN-së, ekonomia botërore pritet të rritet me 3.1% në vitin 2026, por ky parashikim varet nga supozimi se konflikti do të jetë afatshkurtër. Në rast të përshkallëzimit të luftës dhe rritjes së fortë të çmimeve të naftës dhe gazit, rritja globale mund të bjerë deri në 2%, duke e afruar botën me rrezikun e recesionit, shkruan CNN.
FMN paralajmëron se një konflikt i zgjatur mund të shkaktojë edhe një krizë energjetike në shkallë të madhe dhe të ndikojë rëndë ekonominë globale.
