Kryetari i PDK-së, Bedri Hamza, ka kujtuar akademik Adem Demaçin në tetëvjetorin e ndarjes së tij nga jeta, duke e cilësuar si një nga figurat më të mëdha të çështjes kombëtare.
Në një postim në Facebook, Hamza u shpreh se Demaçi ishte një qëndrestar i pathyeshëm, simbol i guximit dhe sakrificës, si dhe mbrojtësi më i madh i të drejtave të njeriut dhe i dinjitetit kombëtar.
Siç raporton Demantim News, Hamza theksoi se, ndonëse kaloi afro tri dekada në burg, angazhimi i Adem Demaçit për lirinë dhe çështjen kombëtare nuk u thye kurrë, duke përfunduar mesazhin e tij me fjalët: “Mirënjohje, respekt dhe lavdi veprës së Adem Demaçit!”
/Demantim News/
