Presidentja në detyrë e Kosovës, Albulena Haxhiu, ka pritur në takim sekretarin e Përgjithshëm të OSBE-së, ambasadorin Feridun H. Sinirlioğlu.
Gjatë takimit, Haxhiu ka vlerësuar rolin e Misionit të OSBE-së në zhvillimin e institucioneve të Kosovës dhe ka theksuar rëndësinë e vazhdimit të bashkëpunimit, raporton Demantim News.
Ajo ka nënvizuar nevojën për pjesëmarrjen e Kosovës në forumet ku diskutohet për vendin, si dhe për mbështetjen në fushat e sigurisë, sundimit të ligjit dhe të drejtave të komuniteteve.
Haxhiu ka bërë të ditur se Kosova mbetet e përkushtuar ndaj paqes, sigurisë dhe bashkëpunimit rajonal me partnerët ndërkombëtarë.
