Elijona dhe Klodi janë parë së bashku në rrugët e Tiranës, duke rikthyer menjëherë në qendër të vëmendjes raportin e tyre.
Që pas daljes nga “Big Brother VIP Albania 4”, dyshja ka qenë shpesh pjesë e thashethemeve, sidomos pas afrimitetit të tyre dhe pëlqimit të shprehur nga Elijona gjatë spektaklit.
Dyshimet u shtuan edhe më shumë kur Klodi konfirmoi ndarjen nga e dashura, duke “ushqyer” aludimet për diçka më shumë mes tyre.
Megjithatë, asnjëri prej tyre nuk ka reaguar publikisht, duke lënë gjithçka në kuadër spekulimesh, të paktën për momentin.
