Komandanti i KFOR-it, Ozkan Ulutash, ka deklaruar se NATO pret nga Serbia të kontribuojë në sigurimin e llogaridhënies për sulmet e ndodhura në Kosovë gjatë vitit 2023.
Duke folur për sulmin në Banjskë, ai tha se ngjarja përbënte një sfidë serioze për KFOR-in, por theksoi se NATO reagoi menjëherë duke forcuar praninë dhe kapacitetet e misionit në Kosovë.
Siç raporton Demantim News, Ulutash bëri të ditur se KFOR-i mban komunikim të rregullt me Forcat e Armatosura të Serbisë dhe se pret bashkëpunimin e Beogradit për të siguruar përgjegjësi për sulmet e vitit 2023.
/Demantim News/
