Operatorët për Heqjen e Mjeteve Shpërthyese të misionit të NATO-s në Kosovë, KFOR, nga kontingjentet austriake dhe rumune, kanë zhvilluar një inspektim sigurie gjatë një operacioni shpërthimi në një gurore pranë Kaçanikut.
Sipas njoftimit të KFOR-it, aktiviteti është realizuar nën koordinimin e inxhinierëve të përbashkët të shtabit të KFOR-it dhe në bashkëpunim të ngushtë me inspektorët e eksplozivëve minerarë nga Komisioni i Pavarur për Miniera dhe Minerale (ICMM).
KFOR ka theksuar se ky angazhim i rregullt dëshmon përkushtimin e vazhdueshëm për bashkëpunim me institucionet lokale, forcimin e partneriteteve dhe krijimin e një mjedisi të sigurt për të gjithë qytetarët në Kosovë.
“Ky angazhim i rregullt pasqyron angazhimin e vazhdueshëm të KFOR-it për të punuar së bashku me institucionet lokale, duke forcuar partneritetet dhe duke kontribuar në një mjedis të sigurt për të gjithë njerëzit që jetojnë në Kosovë.”, thuhet në njoftim.
