Kryeministri i Kosovës, Albin Kurti, ka zhvilluar një takim me shefin e Zyrës së Bashkimit Evropian në Kosovë, shefin e EULEX-it, ambasadorë të shteteve anëtare të BE-së, si dhe përfaqësuesin diplomatik të Mbretërisë së Bashkuar.
Gjatë takimit, Kurti pranoi urime për zgjedhjen e presidentes dhe rikthimin e stabilitetit institucional në vend. Ky zhvillim, sipas njoftimit, krijon kushtet për përqendrim të plotë të qeverisë në realizimin e planit dhe prioriteteve të saj për mandatin e ri.
Bashkëpunimi dhe reformat në fokus
Në takim u diskutua për vazhdimin e bashkëpunimit me partnerët ndërkombëtarë, si dhe për reformat që lidhen me zhvillimin institucional të Kosovës.
Një nga temat kryesore ishte rruga e Kosovës drejt integrimit evropian, me ç’rast u rikonfirmua mbështetja për përparimin e vendit në procesin e anëtarësimit në Bashkimin Evropian.
Takimi vjen në kuadër të bashkëpunimit të institucioneve të Kosovës me përfaqësuesit diplomatikë dhe partnerët ndërkombëtarë, me fokus në reformat dhe avancimin e agjendës evropiane të vendit.
