Kryeministri i Kosovës, Albin Kurti, është nisur drejt Malit të Zi, ku do të marrë pjesë në Samitin e Procesit të Berlinit, një takim që mbledh përfaqësues të lartë të vendeve të rajonit dhe partnerëve ndërkombëtarë.
Lajmi është bërë i ditur nga Zyra e Kryeministrit, sipas së cilës, gjatë qëndrimit në Mal të Zi, Kurti do të zhvillojë një sërë takimesh me përfaqësues të institucioneve ndërkombëtare dhe liderë shtetesh.
Kurti me agjendë takimesh në samit
Në kuadër të samitit, kryeministri pritet të zhvillojë takime bilaterale me drejtues dhe përfaqësues të institucioneve ndërkombëtare, si dhe me zyrtarë të lartë e krerë shtetesh.
Sipas njoftimit zyrtar, këto takime do të zhvillohen krahas pjesëmarrjes së tij në aktivitetet e Samitit të Procesit të Berlinit.
Procesi i Berlinit synon të forcojë bashkëpunimin rajonal në Ballkanin Perëndimor dhe të avancojë lidhjet me Bashkimin Evropian.
