Natalia Bryant, vajza e legjendës së basketbollit Kobe Bryant dhe Vanessa Bryant, ka debutuar në pasarelën e Victoria’s Secret Fashion Show 2026, në një event të mbajtur në Sony Pictures Studios në Kaliforni.
Modelja 23-vjeçare tërhoqi vëmendjen me paraqitjen e saj, duke u shfaqur me një kombinim rozë nga linja PINK, një bluzë të shkurtër mbi reçipeta të zeza dhe xhinse blu të dekoruara me gurë shumëngjyrësh.
Ajo e kompletoi veshjen me një rrip argjendi me varëse dekorative, taka metalike dhe një çantë në formë topi pasqyre, duke sjellë një stil të veçantë në pasarelë.
Në një intervistë para shfaqjes, Natalia ka treguar se e ka ndjekur këtë spektakël të modës që nga fëmijëria, ndërsa përgatitjet për debutimin i kishte nisur duke praktikuar ecjen karakteristike të modeleve.
Ajo nuk e ka fshehur emocionin për pjesëmarrjen në këtë ngjarje, e cila mbledh emra të njohur të industrisë së modës dhe argëtimit.
Për t’u përgatitur para daljes në pasarelë, modelja ka treguar se kishte bërë joga dhe ushtrime shtrirjeje. Për të ngritur energjinë dhe për të larguar emocionet, ajo kishte dëgjuar muzikë nga artistet e njohura Beyoncé, Dua Lipa dhe Tate McRae.
Debutimi shënon një tjetër hap në rrugëtimin e Natalia Bryant në botën e modës, ndërsa ajo vazhdon të krijojë identitetin e saj në industrinë e modelimit.
