Ministria e Arsimit ka njoftuar se mjetet për subvencionimin e teksteve shkollore janë ekzekutuar në llogaritë e prindërve përfitues për nxënësit e klasave 1 deri në 9.
Sipas MASh-it, pas aplikimeve në platformën eKosova dhe verifikimit të tyre nga shkollat dhe komisioni përkatës, lista përfundimtare e përfituesve i është dërguar Ministrisë së Financave për realizimin e pagesave.
Ndërkohë, Ministria ka miratuar edhe Katalogun e Teksteve Shkollore, ku janë përcaktuar çmimet përfundimtare të librave. Këto çmime janë të detyrueshme në të gjitha pikat e shitjes.
Subvencionimi për nxënësit në gjuhën shqipe është:
- Klasa 1 dhe 2: 60 euro
- Klasa 3: 65 euro
- Klasa 4: 70 euro
- Klasa 5: 80 euro
- Klasa 6 dhe 7: 90 euro
- Klasa 8 dhe 9: 100 euro.
